Una muvrella
Sopra à Bavella
duve lu falcu gira insù
sopr'à Bavella
ci hè una muvrella
chi di chjamà ùn pianta più
sottu à e stelle
quandu lu sole varca in dà
sottu à e stelle
ci hè una muvrella
abbandunata à chi la sà
è una mamma chì ùn dorme più
è una mamma chì ùn campa più
eo per ella chi possu fà
eo per ella vogliu cantà...
è una mamma chì ùn dorme più
è una mamma chì ùn campa più
eo per ella chi possu fà
eo per ella vogliu cantà...
sopra à Bavella
a pasturella chi a sà
sopra à Bavella
incu una tinnella
ella hà sappiutu cumu fà
sottu à e stelle
o cusì bella storia avà
sottu à e stelle
una muvrella s'hè lasciata allusingà
dumane bella ritruvarà
dumane bella a libertà
eo per ella chi possu fà
eo per ella vogliu cantà
un ghjornu mamma diventarà
un ghjornu mamma è chì la sà
eo per ella chi possu fà
eo per ella vogliu cantà
>>> Télécharger les paroles (pour impression)
|